ສະບາຍດີປີໃໝ່ລາວ ພສ. 2568

ເນື່ຶອງໃນໂອກາດຕ້ອນຮັບປີໃໝ່ ພສ. 2568 ທີ່ຈະໝູນວຽນມາເຖິງ   ທ່ານ ເອກອັກຄະລັດຖະທູດ ພ້ອມດ້ວຍພັນລະຍາ ແລະ ພະນັກງານພາຍໃນສະຖານທູດ ແຫ່ງ ສປປ ລາວ ປະຈຳປະເທດ ຝຣັ່ງ ຂໍສົ່ງພອນໄຊອັນປະເສີດ ແລະ ຄວາມຮັກແພງຢ່າງຈິງໃຈ ມາຍັງພໍ່ແມ່ພີ່ນ້ອງເຊື້ອຊາດລາວທ່ີດຳລົງຊີວິດຢູ່ປະເທດຝຣັ່ງ ກໍ່ຄືຢູ່ທຸກແຫ່ງຫົນຂອງໂລກ ພ້ອມດ້ວຍຄອບຄົວທຸກທົ່ວໜ້າ ຈົ່ງມີສຸຂະພາບແຂງແຮງ, ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ, ມີຄວາມຈະເລີນຮຸ່ງເຮື່ອງກ້າວໜ້າ ແລະ ມິຜົນສຳເລັດໃນໜ້າທີ່ວຽກງານອັນສຸງສົ່ງ.

ໂຊກດິປີໃໝ່.

Cliquez-ici pour télécharger le document

ແຈ້ງການປິດການເຮັດວຽກໃນວັນທີ 3 ແລະ 4 ຕຸລາ 2024.

ສະຖານເອກະອັກຄະລັດຖະທູດ ແຫ່ງ ສປປ ລາວ ທີ່ ນະຄອນຫຼວງປາຣີ ຈະປິດການເຮັດວຽກໃນວັນທີ 3 ແລະ 4 ຕຸລາ 2024. 

L'Ambassade de la République Démocratique Populaire Lao sera fermer le 3 et 4 octobre 2024.

Cliquez-ici pour télécharger le document

ສະຖານເອກອັກຄະລັດຖະທູດ ແຫ່ງ ສປປ ລາວ ປະຈໍາປະເທດຝຣັ່ງ ຂໍຖືເປັນກຽດແຈ້ງມາຍັງ ບັນດາພໍ່ແມ່ພີ່ນ້ອງຄົນເຊື້ອຊາດລາວທີ່ຢູ່ປະເທດຝຣັ່ງຊາບທົ່ວເຖິງກັນວ່າ ປະຈຸບັນ ສປປ ລາວ ກຳລັງປະເຊີນກັບໄພພິບັດນໍ້າຖ້ວມຢ່າງຮ້າຍແຮງ ຈາກຜົນກະທົບຂອງມະຫາພາຍຸຢາກິ (Super Typhoon YAGI) ຊຶ່ງເປັນພາຍຸລູກໃຫຍ່ທີ່ສຸດທີ່ພັດເຂົ້າ ສປປ ລາວ ໃນຮອບຫຼາຍສິບປີຜ່ານມາ ໂດຍໄດ້ເຮັດໃຫ້ເກີດນໍ້າຖ້ວມຢ່າງຮຸນແຮງ ແລະ ເປັນບໍລິເວນກວ້າງຂວາງຢູ່ແຂວງຫຼວງນໍ້າທາ, ອຸດົມໄຊ, ບໍ່ແກ້ວ, ຫຼວງພະບາງ, ນະຄອນຫຼວງວຽງຈັນ ແລະ ແຂວງອື່ນໆຂອງລາວ ຊຶ່ງໄດ້ເຮັດໃຫ້ມີຜູ້ເສຍຊີວິດ, ໄດ້ຮັບບາດເຈັບ ແລະ ສ້າງຄວາມເສຍຫາຍຕໍ່ຊັບສິນຂອງປະຊາຊົນຢ່າງຮຸນແຮງອັນໄດ້ເຮັດໃຫ້ສະພາບການດຳລົງຊີວິດຂອງປະຊົນໃນພື້ນທີ່ດັ່ງກ່າວມີຄວາມຫຍຸ້ງຍາກຫລາຍ ແລະ ມີຄວາມຕ້ອງການ ການຊ່ວຍເຫລືອຢ່າງຮີບດ່ວນທາງດ້ານອາຫານການກິນ, ນໍ້າດຶ່ມ, ຢາປົວພະບາດ, ເຄື່ອນຸ່ງຫົ່ມ ແລະ ເຄື່ອງໃຊ້ ອຸປະໂພກທີ່ຈຳເປັນອື່ນໆ.

ເພື່ອຮັບມືກັບສະພາບການອັນສຸກເສີນ ແລະ ຮ້າຍແຮງດັ່ງກ່າວ, ລັດຖະບານ ສປປລາວ ກໍ່ໄດ້ຮີບຮ້ອນໃຫ້ການຊ່ວຍເຫຼືອປະຊາຊົນທີ່ໄດ້ຮັບຜົນກະທົບຈາກພາຍຸດັ່ງກ່າວຕາມຄວາມສາມາດ ພ້ອມທັງໄດ້ຮຽກຮ້ອງມາຍັງພໍ່ແມ່ພີ່ນ້ອງຄົນລາວທັງຢູ່ພາຍໃນ ແລະ ຕ່າງປະເທດ ຕະຫລອດທຸກພາກສ່ວນໃນສັງຄົມເພື່ອຮ່ວມແຮງຮ່ວມໃຈກັນຊ່ວຍເຫຼືອຜູ້ປະສົບໄພພິບັດດັ່ງກ່າວ.

ສະຖານເອກອັກຄະລັດຖະທູດ ແຫ່ງ ສປປ ລາວ ປະຈໍາ ປະເທດຝຣັ່ງ ຈຶ່ງໄດ້ແຈ້ງມາຍັງພໍ່ແມ່ພີ່ນ້ອງ ຄົນເຊື້ອຊາດລາວທີ່ອາໄສຢູ່ປະເທດຝລັ່ງ ກໍຄືປະຊາຊົນເພື່ອນມິດຊາວຝຣັ່ງ ແລະຢູ່ໃນໂລກ ທີ່ມີຈິດໃຈ ເອື້ອເຟື້ອເພື່ອແຜ່ ແລະ ມີຄວາມກະລຸນາ ເພື່ອໃຫ້ການຊ່ວຍເຫລືອ ແກ່ປະຊາຊົນຜູ້ທີ່ໄດ້ຮັບຜົນກະທົບ ດັ່ງກ່າວຕາມກຳລັງຈິດສັດທາຂອງຕົນ. ທ່ານສາມາດບໍລິຈາກຜ່ານບັນຊີທະນາຄານຂອງສະຖານທູດ ດັ່ງລຸ່ມນີ້:

1. 1.Par virement:

Ambassade du la RDP Lao

BRED Banque populaire

Compte numéro: 728 02 7781

IBAN : FR7610107008680072802778121

1. 2.Par chèque à l’ordre de:

l’Ambassade de la RDP Lao, 74 avenue Raymond Poincaré, 75116 Paris

ຜູ້ປະສານງານ: ທ່ານ ນາງ ທອນ ສົມພາວິໄລ,  ເບີໂທ: 06 86 57 08 26, ອີເມວ: This e-mail address is being protected from spambots. You need JavaScript enabled to view it

ດັ່ງນັ້ນ, ສະຖານເອກອັກຄະລັດຖະທູດ ສປປ ລາວ ປະຈໍາ ປະເທດຝລັ່ງ ຈຶ່ງຂໍແຈ້ງຂ່າວມາຍັງ ພໍ່ແມ່ພີ່ນ້ອງໄດ້ຊາບທົ່ວເຖິງກັນ ແລະ ຫວັງຢ່າງຍິ່ງວ່າ ບັນດາທ່ານ ຈະໃຫ້ການຊ່ວຍເຫຼືອໃນເວລາ ທີ່ມີຄວາມຈຳເປັນດັ່ງກ່າວ ແລະ ທຸກການຊ່ວຍເຫລືອຂອງບັນດາທ່ານຈະຖືກສົ່ງມອບຕໍ່ໄປຍັງຄະນະກຳມະການສະເພາະກິດເພື່ອຊ່ວຍເຫຼືອຜູ້ປະສົບໄພນໍ້າຖ້ວມທີ່ ສປປລາວ ຢ່າງທົ່ວເຖິງ.